എന്റെ ഈ സൈഡ് ആർക്കും അറിയില്ല, കഥക് ചെയ്യാൻ ബുദ്ധിമുട്ടി,' അപർണ ബാലമുരളി

മധുബാല, ഇന്ദ്രൻസ് എന്നിവരെ കേന്ദ്ര കഥാപാത്രങ്ങളാക്കി വർഷാ വാസുദേവ് ഒരുക്കിയ 'ചിന്ന ചിന്ന ആസൈ' തിയേറ്ററിൽ മികച്ച അഭിപ്രായമാണ് നേടുന്നത്. ഇന്ദ്രൻസ്, മധുബാല, എന്നിവർ കൂടാതെ അപർണ്ണ ബാലമുരളി, വിഷ്ണു അഗസ്ത്യ, തമ്പി രാമയ്യ, കാളി വെങ്കട്, ജാഫർ സാദിഖ്, സായ് ജനനി എന്നിവരും ഈ ചിത്രത്തിൽ വേഷമിട്ടിട്ടുണ്ട്. സിനിമയിലെ അപർണയുടെ കഥക് നൃത്തം ഏറെ ശ്രദ്ധിക്കപ്പെട്ടിരുന്നു. ഇപ്പോഴിതാ ഈ നൃത്തത്തേക്കുയർച്ച് പറയുകയാണ് അപർണ. റെഡ് എഫ് എമ്മിന് നൽകിയ അഭിമുഖത്തിലാണ് പ്രതികരണം.

'ചിന്ന ചിന്ന ആസൈയ്' എന്ന സിനിമയ്ക്ക് വേണ്ടി നേരത്തെ തന്നെ കഥക് പഠിച്ചു. ക്ലാസിക്കൽ ഡാൻസ് പഠിച്ചതിന്റെ ബാക്ക് ഗ്രൗണ്ട് ഉണ്ടായിരുന്നു. പക്ഷേ അത് കഴിഞ്ഞ് ഒരുപാട് വർഷത്തിന് ശേഷമാണ് ഞാൻ ഇതുപോലെ ചെയ്യുന്നത്. ഒരു അഞ്ചുകൊല്ലമായി എന്റെ കൂടെ ഉള്ള കൂട്ടുകാർക്കൊന്നും എന്റെ ഈ സൈഡ് അറിയില്ല. അവാർഡ് ഷോകൾക്ക് കളിക്കുന്ന ഡാൻസ് ഒന്നും ക്ലാസിക്കൽ ഡാൻസുകൾ അല്ല. സിനിമകളിൽ ചെയ്ത ഡാൻസും വേറെ ഒരു സ്റ്റൈൽ ആണ്.

എന്റെ സ്കൂൾ കൂട്ടുകാർക്കും കോളജിലെ ചിലർക്കും മാത്രമേ ഈ ഒരു എന്നെ അറിയുകയുള്ളൂ ബാക്കി എല്ലാവരും ഇത് കണ്ടപ്പോൾ ഞെട്ടി. കഥക് ചെയ്യാൻ ഒരുപാട് ബുദ്ധിമുട്ടിയിരുന്നു. എങ്ങനെ ഇത് ചെയ്ത് പൂർത്തിയാക്കും എന്നോർത്ത് പേടിച്ചിരുന്നു. പ്രാക്ടീസ് അവിടെ തന്നെ ആയത് കൊണ്ട് ആ സ്ഥലവുമായി പൊരുത്തപ്പെട്ടു. അതിൽ ഞാൻ കംഫോർട്ടബിൾ ആയിരുന്നു,' അപർണ ബാലമുരളി പറഞ്ഞു.

വലിയ പ്രേക്ഷക പ്രശംസ നേടിയ ഹ്രസ്വചിത്രം 'എന്റെ നാരായണിക്ക്' ശേഷം വർഷ വാസുദേവ്ഒരുക്കുന്ന ആദ്യ ഫീച്ചർ ഫിലിം ആണ് ചിന്ന ചിന്ന ആസൈ. ഈ ചിത്രത്തിലൂടെ ഒരിടവേളയ്ക്ക് ശേഷം ശക്തമായ കേന്ദ്ര കഥാപാത്രവുമായി മധുബാല മലയാളത്തിൽ എത്തുകയാണ്. പൂർണ്ണമായും വാരണാസിയിൽ ആണ് ചിത്രം ഒരുക്കിയിരിക്കുന്നത്. ചിത്രത്തിലെ ഗാനങ്ങൾ ഇതിനോടകം മികച്ച പ്രേക്ഷക ശ്രദ്ധ നേടിയിട്ടുണ്ട്.

Content Highlights: Actress Aparna Balamurali has opened up about the rigorous effort that went into performing Kathak in Chinna Chinna Aasai. The actress said mastering the dance form for the role was far from easy, requiring extensive practice, discipline, and dedication. She described the experience as both challenging and rewarding, adding a new dimension to her performance in the film.